Dathlu Niwroamrywiaeth
This spotlight is currently only available in WelshDathlu NiwroamrywiaethMae’r ysgol wedi cymryd camau cadarnhaol i feithrin empathi, ymwybyddiaeth a dealltwriaeth staff yr ysgol ac ysgolion cynradd partner o niwroamrywiaeth. Trefnwyd diwrnod ‘Dathlu Niwroamrywiaeth’ llwyddiannus fel rhan o drefniadau datblygiad proffesiynol yr ysgolion partner. Cynhaliwyd sesiynau penodol lle cafodd disgyblion yn y sector cynradd a’r uwchradd rannu eu profiadau personol o fod ar y sbectrwm awtistiaeth. Yn dilyn hyn, cafodd disgyblion hŷn yr ysgol gyfle gwerthfawr i berfformio cyflwyniad dramatig yr oeddent wedi ei greu eu hunain i holl gyfranogwyr y diwrnod hyfforddi. O ganlyniad i’r datblygiad proffesiynol perthnasol hwn, mae dealltwriaeth a hyder staff i ddarparu strategaethau ymarferol i’w defnyddio yn y dosbarth wedi cryfhau.