Ysgol Gymraeg Y Fenni

Mae dulliau’r ysgol ar gyfer trochi a gwella cywirdeb geirfa a phatrymau iaith disgyblion yn hynod lwyddiannus. Mae staff yn defnyddio cyfuniad manwl o ddulliau drilio patrymau iaith yn rheolaidd ynghyd â gweithredu ymarferion llafar hwyliog gyda’r disgyblion er mwyn gwneud y dysgu’n fyw iddynt. Law yn llaw ag ethos Cymreig yr ysgol, mae disgyblion yn datblygu i fod yn siaradwyr medrus sy’n ymfalchïo yn eu gallu i siarad Cymraeg.