Ysgol Y Faenol

Mae trafodaethau proffesiynol rheolaidd ymysg staff yn sicrhau eu bod yn meddu ar ddealltwriaeth fanwl o anghenion pob disgybl. Maent yn defnyddio ystod eang o dystiolaeth gynhwysfawr i gynllunio profiadau dysgu sydd wedi eu teilwra’n ofalus i anghenion penodol. Mae timau o gynorthwywyr medrus yn arwain rhaglenni cefnogi effeithiol sy’n hyrwyddo lles a datblygu medrau llythrennedd a rhifedd disgyblion, gan gynnwys y rhai sy’n dysgu SIY yn hynod lwyddiannus. Mae hyrwyddo lles disgyblion yn flaenoriaeth amlwg. Yn ogystal, mae’r ddarpariaeth drochi ieithyddol yn y Gymraeg yn yr ysgol yn cryfhau medrau’r disgyblion hynny sy’n dysgu SIY tra’n hybu eu hyder a’u gallu i integreiddio’n llwyddiannus i fywyd yr ysgol a’i Chymreictod. Mae partneriaethau cryf â rhieni a sefydliadau allanol yn cyfrannu’n sylweddol at lwyddiant y ddarpariaeth. O ganlyniad, mae bron bob disgybl sy’n derbyn cymorth yn gwneud cynnydd cryf iawn.