Datblygu perthnasoedd cadarn rhwng disgyblion ar draws yr ysgol

Cryfder hynod nodedig o’r ddarpariaeth yw’r perthnasoedd gwaith cadarnhaol rhwng y staff a’r disgyblion sy’n cyfrannu at natur gartrefol, cymunedol a hapus yr ysgol. Mae staff yn arddel pwysigrwydd hyn yn holl weithgareddau’r ysgol ac yn cynllunio cyfleoedd cyson i’r disgyblion hŷn gydweithio gyda’r disgyblion ieuengaf. Er enghraifft, maent yn eu cefnogi i ddatblygu eu medrau darllen, corfforol a digidol yn fedrus ac yn eu hannog i chwarae gemau amrywiol yn ystod amseroedd egwyl. O ganlyniad, mae’r caredigrwydd a’r gofal mae’r disgyblion yn dangos at ei gilydd yn arwyddocaol, ac yn cefnogi ethos teuluol a chlos yr ysgol yn llwyddiannus.

---