Adolygiad Blynyddol o’r Cynllun Cydraddoldeb Strategol 2015-2016

Y ddogfen hon yw’r Pedwerydd Diweddariad Cynnydd Blynyddol yn erbyn Cynllun Cydraddoldeb Strategol (CCS) Estyn ac Amcanion Cydraddoldeb 2012-2016 ac mae’n cwmpasu’r cyfnod 2015-2016.

Cyhoeddwyd y Cynllun Cydraddoldeb Strategol yn Ebrill 2012 gan Estyn ar ôl ystyried arfer orau, cyfrifoldebau cyfreithiol a thrafodaethau lleol. Mae’r CCS yn cefnogi Amcanion Cydraddoldeb Estyn ac yn amlinellu gwybodaeth allweddol am ein gweithgarwch cydraddoldeb, amrywiaeth a hawliau dynol. Yn ogystal â chyflawni ein dyletswydd o dan Ddeddf Cydraddoldeb 2010, mae’n ystyried ystod eang o ddeddfwriaeth arall sy’n gysylltiedig â chydraddoldeb ac amrywiaeth. Mae adolygiadau’r blynyddoedd blaenorol wedi eu cyhoeddi ar wefan Estyn. Mae’r CCS 2016-2020 ar wefan.

Mae dyletswydd gyffredinol Deddf Cydraddoldeb 2010 yn ei gwneud yn ofynnol i gyrff cyhoeddus roi ‘ystyriaeth briodol’ i’r angen i:

• ddileu gwahaniaethu, aflonyddwch ac erledigaeth anghyfreithlon ac ymddygiad arall sy’n cael ei wahardd gan y Ddeddf
• datblygu cyfle cyfartal rhwng pobl sy’n rhannu nodwedd warchodedig berthnasol a’r rheiny nad ydynt yn rhannu nodwedd
• meithrin perthnasoedd da rhwng pobl sy’n rhannu nodwedd warchodedig a’r rheiny nad ydynt yn rhannu nodwedd

Mae’r CCS yn cwmpasu’r holl nodweddion gwarchodedig sy’n ofynnol gan Ddeddf Cydraddoldeb 2010:

• oedran
• anabledd
• ailbennu rhywedd
• priodas a phartneriaeth sifil
• beichiogrwydd a mamolaeth
• hil (gan gynnwys tarddiad ethnig neu genedlaethol, lliw neu genedligrwydd)
• crefydd neu gred (neu ddiffyg cred)
• rhyw a chyfeiriadedd rhywio